Gyrru Injan Stêm yn Rheilffordd Ager Telford

Mae pobl o bob oed a chefndir yn hoff o drenau ager. Byddai llawer o'r rhain wrth eu bodd yn cael cyfle i yrru injan ager. Dyma'ch cyfle! Yn ogystal â'r cyrsiau Diwrnod Cyfan y mae Rheilffordd Ager Telford yn eu cynnal ar ein peiriannau ager lled arferol ac ar ein Tram Ager lein 2 droedfedd o led, gallwn hefyd gynnig cyrsiau profi gyrru eraill ar eich cais.

Mae pob cwrs yn cynnwys sgwrs am ddiogelwch a gweithio'r injan, ac yna bydd cyfle i chi fod wrth y llyw!

Mae'r cyrsiau'n cael eu cynnal drwy'r tymor. (Mae'n rhaid archebu lle ymlaen llaw. )

Mae'r cyrsiau sydd ar gael ar hyn o bryd yn cynnwys:-

Cwrs Hanner Diwrnod

Dim ond ar y tram ager mae'r rhain ar gael. Dydy'r cyrsiau yma ddim wedi eu trefnu ar gyfer mwy nag un person ar y pryd. Mi gewch yr injan i chi eich hun am yr amser i gyd, neu ddewis dod a ffrind efo chi i rannu'r profiad / y gost. Mae'r cwrs yn cynnwys paratoi a gweithio'r injan dan amgylchiadau fel rhai go iawn. Mae'r cyrsiau ar gael rhai dyddiau Sadwrn arbennig neu bron i bob dydd Sul yn ystod y tymor.

Cyrsiau Diwrnod Cyfan

Mae'r cwrs hwn yn cyfuno hyfforddiant a phrofiad o'r tram ager a'r injan ager lein lled arferol. Mae'n cynnwys cinio hanner dydd ac aelodaeth blwyddyn o'r Telford Horsehay Steam Trust. Mae'r profiad o'r lein lled arferol yn defnyddio'r injan ddiwydiannol 0-4-0ST ac mae'n rhoi sylw i symud a siyntio, a thrwy hynny wneud y gorau o'r profiad o reoli'r injan yn hytrach na dim ond rhedeg yn ôl a blaen ar drac syth. Mae cyrsiau wedi eu trefnu ar gyfer criwiau o bobl sy'n trefnu'n unigol. Mae'r bobl ar y cwrs yn cael cyfle i droi eu llaw at bopeth ar y cwrs, yn cynnwys gyrru a thanio'r injan lled arferol a gyrru a thanio'r tram ager. Mae'r cyrsiau'n dechrau am 7o'r gloch yn y bore ac maen nhw ar gael rhai dyddiau Sadwrn arbennig. Mae'r bobl sy'n dod ar y cyrsiau yn cael cyrraedd yn hwyrach os nad ydyn nhw eisiau gweithio â'r criw sy'n tanio'r injan (ddim hwyrach na 10 o'r gloch y bore ymlaen).

Crëwch eich diwrnod arbennig eich hunan

Os ydych chi'n teimlo y byddai gyrru'r locomotif maint llawn yn ormod, a'ch bod chi ddim ond eisiau gyrru'r tram ager (mae'n waith llawer ysgafnach) neu os hoffech chi yrru injan disel, neu efallai ddod â grwp o ffrindiau gyda chi, a threulio awr yr un ar lawr y caban, neu os oes gennych chi unrhyw syniadau eraill i wneud eich diwrnod arbennig eich hunan, cysylltwch â'r Trefnydd Profi Gyrru - rydym yn hyblyg iawn.